Empowering People for Control Over of Life

ජව සම්පන්න මානව සම්පතක් ඇතිවීම දේශයේ අනාගත දිශානතිය තීරණය කරනු ලබන සාධකයකි. ඒ ඒ පුද්ගලයා විසින් තමාගේ කායික, මානසික, සාමාජීය හා අධ්‍යාත්මික යහපැවැත්ම ගොඩනගාගැනීමට දරනු ලබන උත්සාහය මත සමස්ථ ජනසමාජයේ යහපැවැත්ම තීරණය වේ. සමාජ ආර්ථික ව්‍යුහය සංකීර්ණ වන්නට වන්නට පුද්ගල යහපැවැත්ම තහවුරු කිරීමට වැදගත් වන සාධක වල සංකීර්ණත්වයද වර්ධනය වේ. සෞඛ්‍යමත්බව, ඖෂධ, ශල්‍යකර්ම, රසායනාගාර පර්යේෂණ ආදී සෞඛ්‍ය සේවා වලින් ඔබ්බට විහිදී යන පුළුල් සංකල්පයකි. තම යහපැවැත්ම ඇතිකර ගැනීම පිණිස යමෙකු තුළ ඇති අවශ්‍යතාවය හා හැකියාව තීරණාත්මක සාධකයකි. රෝග ඇතිවීම තම තමාගේ දෛවය ලෙස නොසලකා රෝගී තත්ත්වයන් හටගැනීමට එරෙහිව නැගීසිටීම හා ඇතිවි ඇති රො ්ගී තත්ත්වයන් නිසි ලෙස කළමණාකරනය කිරීමට අවශ්‍ය පියවර ගැනීම, සියලු දෙනා විසින් සිදුකළ යුතුය. අදාල දැනුම උකහාගැනීමට පහසුකම් සැපයීම, ධනාත්මක ආකල්ප ස්ථාපනය වීම උත්තේජනය, හිතකර ජීවන රටා ඇති කර ගැනීමට හැකියාව ඇති කිරීම හා සෞඛ්‍යමත් තීරණය පහසු තීරණය වන වට පිටාවක් ඇති කිරීමට කටයුතු කිරීම, ජව සම්පන්න මානව සම්පතක් නිර්මාණය කිරීමට මහෝපකාරී වේ. සතුට සැනසුම සපිරි සෞඛ්‍යමත් දිගු දිවියක් උරුම කර ගැනීමට තමා සතු හැකියාව හඳුනාගැනීමට හා ඒ වෙනුවෙන් ක්‍රියාත්මක වීමට පුද්ගලයන් බල ගැන්වීම සඳහා මෙම වෙබ් පිටුව ඔස්සේ දරනු ලබන උත්සාහය ප්‍රයෝජනවත් සමාජ මෙහෙවරක් ඉටු කරනු ඇත. වෛද්‍යවරුන් හා ක්ෂේත්‍රයේ ප්‍රවීනයන් විසින් සම්පාදනය කරනු ලබන පොත පත, ලිපි ලේඛන, ශ්‍රව්‍ය දෘශ්‍ය නිර්මාන කිසිදු වියදමකින් තොරව පොදු ජනතාව වෙත ලබාදීමට කටයුතු කිරීම මෙම වෙබ් පිටුව සතු විශේෂත්වය ලෙස මම දකිමි.

මහාචාර් ය ඉන්දික කරුණාතිලක

(MBBS, DMedEd, MMedEd, FHEA, FRCP, FCME)
වෛද්‍ය අධ්‍යාපනය පිළිබඳ මහාචාර්ය,
වෛද්‍ය පීඨය, කොළඹ විශ්ව විද්‍යාලය.